Isang babaeng anak. Isang pangarap. Isang pangarap na hindi ibinibigay sa kanila. Para kay Marcus Dux, mas kilala bilang King Venum, iisa lang ang pangarap na hindi kayang bilhin ng kapangyarihan o takutin ng karahasan... ang magkaroon ng anak na babae. Sa lahi ng mga Dux, itinuturing na himala ang pagsilang ng isang babae. 0.1% lamang sa kanilang pamilya ang nabiyayaan ng ganitong kapalaran, at iyon ang pangarap na matagal nang kinakapitan ni Marcus. Mula nang pakasalan niya si Althea, paulit-ulit niyang inasam ang pagkakataong iyon. Ngunit sa kabila ng kanilang pagmamahalan at ng mga gabing puno ng pag-asa... dalawang lalaking anak lamang ang ibinigay sa kanila ng Panginoon at hindi na 'yon nasundan pa. Sina Ellizar Devon Dux at Mathayus Darson Dux. Lumipas ang halos pitong taon, hindi tumigil si Marcus na umasa na isang araw ay magbubuntis muli ang kaniyang asawa. Ngayon, isang tanong ang laging nasa utak ng mag-asawang Marcus at Althea... Ipagkakaloob na kaya sa kanila ang anak na babaeng matagal nang ipinagkakait ng kapalaran?