First encounter pa lang ni Jilliane kay Bryle ay palpak na. Marami itong nabisto tungkol sa kanya: ang habit niya na makipag-usap sa sarili, ang singing voice niya na parang pinupunit na yero, ang plano niyang agawin ang secret love niyang si Arkin, at ang grabeng pamimintas niya sa nililigawan nito. Malay ba niyang may isang cute na Bryle pa lang nakikinig sa solo concert at monolugue niya? Mula noon ay inasar-asar siya nito. Baka raw isumpa siya ng singer ng kantang pinipilit niyang ibirit. Maluwag daw ang turnilyo niya at maghahanap daw ito ng vise grip para higpitan iyon. Asar an asar siya rito pero mas nanaig ang pagkakaroon niya ng crush rito. Ang kaso ay bigla itong nawalang parang bula. Five years later, muli silang nagkita. Nabuhay muli ang atraksiyon niya dito. Ang kaso ay ikakasal na ito sa nakakatanda niyang kapatid. Kailangan niyang makaisip ng paraan para maagaw ito. Magpaagaw naman kaya ito?