Si Alona Adarna, isang contestant sa Miss Pasig City 2020, ay hindi inakalang magbabago ang kanyang buhay nang makilala niya si Neil Custodio, isang napakagwapong billionaire na nagmamay-ari ng pinakatanyag at pinakasikat na Airline Company sa Philippines ang Tropical Air at hurado ng patimpalak. Sa isang lihim na relasyon na walang kasiguruhan, nahanap ni Alona ang kanyang sarili sa isang mapait na sitwasyon—minamahal niya si Neil, ngunit para kay Neil, siya ay isa lamang kasamang pampalipas ng oras. Sa loob ng dalawang taon, ang kanilang tago at masalimuot na relasyon ay lumalim, habang si Alona ay tinutulungan ang kanyang ina na magpagamot mula sa lupus sa Australia. Ngunit dumating ang oras na kailangan ni Alona tanggapin ang mapait na katotohanan—si Neil ay ikakasal sa iba. Ang huling gabi nilang magkasama ay nagbunga ng isang lihim na nagpapabago sa kanilang kapalaran. Habang si Neil naman, sa una ay masaya sa kanyang bagong kasal kay Wilma, hindi niya alam na may isang malalim na sugat sa kanyang puso na iniwan ng pagkawala ni Alona. Limang taon ang lumipas, dala ni Alona ang lihim ng kanyang kambal na anak na sina Emerald at Aniego. Sa kanyang pagbabalik sa Pilipinas, hindi inaasahang magkrus muli ang landas nila ni Neil. Pero sa pagkakataong ito, may matinding rebelasyon na magpaikot ng kanilang mga mundo. Paano niya haharapin mag-isa ang pagiging dalagang ina na dulot ng huling gabi nila ni Niel?Ano kaya maging reaksyon ni Neil pag nalaman niya na may anak na kambal na si Alona pagkalipas ng limang taon?Magdududa kaya siya na anak niya ang kambal?