Gusto lang naman ni Blue nang kaibigan dahil mula grade four ay home school lang siya. Nang mapagbigyan siyang makapasok na sa eskuwelahan at makatagpo ng kaibigan ay sobrang saya niya. Wala siyang pakialam kung may bisyo ang mga ito, kaibigan niya ang mga ito kaya dapat niyang tanggapin kung ano at sino ang mga ito... Pero ang pagkakaibigan na iyon ay nagtapos nang tangka siyang pagsamantalahan ng mga itinuturing na kaibigan. Sa pagtakas sa mga inaakalang kaibigan, nakilala niya ang isang lalaking hinold-up naman siya. Sa takot na pagsamantalahan din nito ay tumakbo siya at iniwanan sa lalaki ang mga kagamitan. Hindi niya akalain na magkikita uli sila, at ililigtas siya nito sa kapahamakan. Ang barumbadong lalaking ito ang iniisip niyang magiging bago niyang kaibigan pero kaibigan nga kaya ang natagpuan nila sa isa't isa?